Si të merrni variantin X-Force të Deadpool në Fortnite?

Lojtarët e Fortnite mund të marrin një skin të ri të variantit “X-Force” për Deadpool, duke plotësuar sfidat e javës së 9 të Fortnite për këtë superhero.

Varianti i bardhë X-Force do të vijë me dy stile në Fortnite, njëri me maskën vënë dhe tjetri pa maskë. Kjo në të njejtën mënyrë siç erdhi edhe skini tradicional i Deadpool.

Sfidat e javës së 9 në Fortnite u bënë leak paraprakisht nga iFireMonkey dhe ato i kërkojnë lojtarëve që të gjejnë pantallonat e shkurtra të Deadpool. Si me javët e mëparëshme, vendndodhja e sfidës së parë mund të gjendet në tabelën e battle pass-it.

Për këtë javë lojtarët duhet të kërkojnë brenda dhomës së Midas, pasi ta kanë zgjedhur atë në tabin e Agents. Pantallonat e Deadpool do të jenë të varuara në karrigen pranë tij.

Pjesa e dytë e sfidës i kërkon lojtarëve të gjurmojnë pantallonat, që janë të lidhura pranë flamujve në lojë dhe të përdorin emote-in Salute përpara tyre.

Gjatë update-it të fundit pantallonat e Deadpool janë shtuar në vendndodhje të ndryshme në Fortnite, me një palë që janë gjetur në majë të Mount Kay dhe një palë tjetër në një çati në Sweaty Sands. Gjithsesi vetëm një prej tyre nevojitet për ta përmbushur sfidën.

Pasi ti keni plotësuar këto sfida do të merrni Deadpool X-Force skin.