Siç disa prej jush mund ta dinë, Epic Games dhe 2K kanë njoftuar një bashkëpunim të vaçantë përpara lançimit të Boderlands 3 dhe kjo do të thotë që ekziston mundësia për të marrë një Psycho Bundle falas për personazhin tuaj të Fortnite.
Tashmë dihet që cepi juglindor i hartës është kthyer në një Rift Zone të Pandora, nga lojërat e Borderlands. Në momentin që lojtarët futen në këtë Rift Zone marrin një pamje të ndryshme grafike, njëlloj siç duken edhe personazhet në lojën legjendare të 2K.
Përgjatë këtij bashkëpunimi fansat mundën të blinin edhe Psycho Bundle, që vinte me disa cosmetic items me tematikën e lojës. Gjithsesi, sado që paketa nuk është më në shitje, ju ende keni mundësi ta merrni falas.
Si të merrni Psycho Bundle falas?
Epo, në fakt nuk është kaq e thjeshtë sa ç’duket. Falë bashkëpunimit të Epic me 2K, kushdo mund ta marrë Psycho Bundle falas, për aq kohë sa blejnë Borderlands 3, kur loja të lançohet të premten e 13 shtatorit.
Në momentin që keni blerë një nga versionet e lojës, brenda datës së lançimit deri në 31 dhjetor të 2020, ju do ta merrni Psycho Bundle automatikisht në Fortnite. Plus keni mbi një vit kohë për ti lidhur bashkë dy accountet tuaja.
Lojtarët që e marrin këtë paketë, do të gjejnë brenda saj tre items, përfshirë këtu Psycho skin, të bazuar në personazhin kryesor të Borderlands. Krahas asaj do të merrni Claptrap dhe një pickaxe të re të stilit të Borderlands.
Nëse tashmë e keni blerë Psycho Bundle, ende mund të përfitoni nga oferta, pasi 2000 V-Bucks do të transferohen në adresën tuaj të Fortnite pasi ta keni blerë lojën, duke ju rimbursuar plotësisht për çmimin fillestar të saj.