Më herët gjatë këtij muaji Google hoqi Fortnite nga Google Play Store, pasi Epic Games tentoi të anashkalonte tarifën e 30% që ajo kërkonte për blerjet brenda platformës. E njejta gjë ndodhi edhe me Apple. Të dyja kompanitë e hoqën Fortnite nga dyqani i tyre.
Gjithsesi në dallim me iOS, ku nuk ka më shpresa për ta shkarkuar Fortnite, në android ende ka rrugë të hapura. Le të shohim disa prej tyre më poshtë:
SHKARKONI FORTNITE DIREKT NGA EPIC GAMES
Google Play Store është burimi kryesor për ta shkarkuar lojën në Android, por lojtarët mund ta marrin atë edhe përmes Epic. Ose shkoni në fortnite.com/android në telefonin tuaj, ose skanoni kodin QR që tregohet në faqe kur e vizitoni nga kompjuteri.
Pasi të jeni aty, shtypni butonin Get it on the Epic Games app dhe ndiqni udhëzimet për të shkarkuar dhe instaluar aplikacionin e Epic Games, që më tej do e përdorni për të shkarkuar Fortnite.
Ky proces ju kërkon që të lejoni Chrome (ose browserin që përdorni) të shkarkojë dhe instalojë aplikacione të Android. Pasi të instaloni Epic Games, mund të ndiqni udhëzimet për të shkarkuar Fortnite. Sërish, do duhet të lejoni një aplikacion (në këtë rast Epic Games), që të instalojë aplikacione të telefonin tuaj.
Pasi ta keni instaluar, lançoni Fortnite, bëni sign in me adresën tuaj dhe filloni lojën.
Është e rëndësishme që pasi ta keni bërë këtë të ktheheni pas dhe të hiqni aftësinë e Chrome për të instaluar aplikacione. Për ta bërë këtë gjë shkoni në Settings > Apps > Chrome dhe gjeni opsionin e Install unknown apps. Kalojeni këtë në pozicionin e Off.
PËRDORNI GALAXY STORE NËSE KENI NJË TELEFON SAMSUNG
Telefonat dhe tabletat Samsung vijnë me Galaxy Store të instaluar, duke ju lejuar që të aksesoni aplikacione jashtë PlayStore. Fatmirësisht Fortnite ka qenë e disponueshme këtu që në 2018n.
Pra thjesht bëni search Fortnite dhe instalojeni. Nuk është ndonjë shkencë kjo.
BËNI STREAM FORTNITE ME GEFORCE NOW
Një tjetër opsion, ndoshta jo më ideali, është që ta luani lojën përmes GeForce Now, shërbimi cloud gaming i Nvidia. Përmes këtij shërbimi mund të luani lojëra të PC, duke i bërë stream në paisjet tuaja Android.
PO NËSE E KENI FORTNITE NË INSTALUAR NGA GOOGLE PLAY STORE?
Lajmi i mirë është që akoma mund ta luani lojën normalisht. Lajmi i keq është që nuk do të mund ta bëni update. Një situatë jo fort ideale kjo duke marrë parasysh se sot, në 27 gusht, doli sezoni i ri i lojës. Pra në një pikë ose tjetër do të duhet të përdorni një nga metodat e sipërpërmendura.