Si një portier përfundoi tek Liverpool me anë të Football Manager

Loja i ndryshoi përfundimisht karrierën portierit

Kai McKenzie-Lyle është portier i ekipit të 23-vjeçarëve të Liverpool, i cili ka një histori të veçantë në lidhje me videolojërat. Specifikisht, dihet se Football Manager ka influencuar shpesh vetë sportin, duke parë se trajneri i Manchester United, Ole Gunnar Solskjær, ka pranuar se ai ka përdorur lojën për t’a ndihmuar me vendimet në jetën e vërtetë.

Loja arriti të ndihmojë edhe Kai-n, i cili filloi të luante për ekipin e tij të ri pas iniciativës së një kërkuesi që punon për lojën. Gjatë paraqitjes së tij të parë, ai shënoi një gol, diçka tepër e rrallë për portjerët. Që atëherë, karriera e tij ka qenë gjithmonë në ngjitje, duke parë se Kai tani është pjesë e akademisë së Liverpool.

Kjo video nga People Make Games ju shpjegon në më shumë detaje historinë e pabesueshme të tij: