Nëse shkarkoni Grand Theft Auto V nga Epic Games Store do të mund të merrni Premium Edition të saj, pra do të keni akses edhe në Criminal Enterprise starter pack për GTA Online. Ja se si mund të merrni bonuset tuaja.
Si pjesë e Criminal Enterprise starter pack ju keni të drejtën e pesë ndërtesave. Për këto duhet të shkoni në website-et Dynasty 8 dhe Maze Bank Foreclosure në lojë dhe të rendisni çmimet nga më i ulëti.
Një prej këtyre ndërtesave, 1561 San Vitas Street Apartment, është një apartament i vogël dhe nëse deri më tani keni menxhuar që të gjeni një shtëpi, kini parasysh se marrja e këtij vendi mund t’ju marri atë që zotëroni momentalisht. Kjo do të thotë se mund të humbni makina ose gjëra të tjera që keni brenda ose në garazhin e apartamentit.
Përtej pesë ndërtesave, gjithashtu mund të merrni dhjetë automjete falas. Këtu bëhet fjalë për një set të gjerë automjetesh, me disa motoçikleta të përfshira me disa makina të këndshme sportive.
Për këto drejtohuni në Travel and Transport tab dhe përdorni Legendary Motorsports, Southern San Andreas Super Auto, Elitas Travel dhe Warstock. Si me rastin e ndërtesave thjesht rregulloni opsionin që lista t’ju shfaqet nga çmimet më të ulëta dhe automjetet që janë falas do ju dalin të parat. Mund të merrni sa të doni prej tyre, për aq kohë sa keni mjaftueshëm hapësirë në garazh.
Pjesa e fundit e bonusit tuaj pastaj vjen përmes disa armëve falas. Tani, për një periudhë të limituar. Momentalisht mund të merrni çdo handgun falas nga Ammu-Nation.
Thjesht shkoni në dyqanin e Ammu-Nation, ecni drejt banakut dhe ndërveproni me armët në mur derisa të gjeni Compact Grenade Launcher, Marksman Rifle dhe Compact Rifle. Shtypni buy dhe këto do të bëhen tuajat.
Kini parasysh që marrja e gjithë këtyre gjërave falas ka për t’ju kushtuar. Nëse do të keni një garazh do të thotë që duhet të paguani tarifa muajore, nëse do të filloni një biznes do të duhet të paguani një asistent dhe nëse do të merrni armë do të duhet ti mbushni me municione.