Si humori na bën të vazhdojmë të luajmë dhe lidhja e tyre me Fortnite dhe Among Us?

Njerëzit pjesën më të madhe të kohës janë të tërhequr të shohin ose ndjekin filma, libra, teatër, podcast ose komedi të cilat i bëjnë ata të buzëqeshin, të qeshin ose të ndihen mirë dhe rehat. Dhe sipas një studimi të kryer së fundmi pothuajse e njëjta gjë vlen edhe për lojërat që ju luani.

Secili prej filmave, librave, podcast etj. ka një lloj të veçantë humori në varësi të zhanrit që ato kanë. Ky humor mund të variojnë nga ai më i zakonshmi deri tek ai më i errëti dhe më komik. Pothuajse e njëjta gjë vlen edhe për lojërat të cilat ju luani çdo ditë dhe secila prej tyre ka përshtatur në lojë.

Disa lojëra thjesht kanë shtuar një dozë të vogël humori por që nuk vihet re. Portal është një prej lojërave e cila është komike në disa raste por lojtarët janë të fokusuar shumicën e rasteve tek zgjidhja e puzzle sesa tek dëgjimi i shakasë së radhës. Kemi edhe lojëra të cilat e kanë përzier gameplay e lojës me shaka të ndryshme siç ka ndodhur në lojën The Stanley Parable. Lojë të tjera si Goat Simulator, Surgeon Simulator bashkë me Untitled Goose Game janë të varura nga situatat dhe shakatë komike që krijohen.

Por si është e lidhur kjo gjë me lojëra si Fortnite dhe Among Us pasi ato në pamje të parë duket sikur nuk kanë asnjë lidhje me këtë gjë?

Edhe pse në pamje të parë duket sikur nuk kanë asnjë lidhje me komedinë, këto lojëra e shpërndajnë humorin në një mënyrë tjetër. Një shembull është Fortnite nga i cili kemi kuptuar se ju nuk argëtoheni vetëm në lojë. Fortnite gjithmonë sjell karaktere, skins, emote, kërcime, evente të ndryshme. Nëse iu ka ndodhur që të buzëqeshni ose të qeshni kur shikoni këto ose ndonjë nga trailer për sezonin e ardhshëm, atëherë kjo tregon se si Fortnite përpiqet që të lidhet me ju nëpërmjet humorit.

Edhe Among Us është pothuajse e ngjashme por e sjellë në një mënyrë tjetër. Ashtu si dhe Fortnite edhe Among Us iu lejon lojtarëve të ndryshojnë veshjet e karaktereve të tyre duke bërë kombinimi nga më të bukurat dhe deri tek ato më të çuditshme dhe gazmore. Gjithashtu edhe ndjesia që merrni kur vrisni një crewmate si një imposter ose kur fitoni në lojë është pjesë e humorit që iu përcjell kjo lojë.

Gjatë një studimi të kryer është zbuluar se e qeshura është një funksion social dhe që ka pak të bëjë me humorin. E qeshura përfaqëson lidhjet shoqërore që ne kemi, ne qeshim që të bëjmë miq dhe ne qeshim që t’i bëjmë miqtë tanë të ndihen rehat.

Por Among Us dhe Fortnite nuk mbështeten në këtë gjë. Përkundrazi, humori që merrni nga Among Us dhe Fortnite iu jep ju një ndjesi direkte të lumturisë. Kur ju jeni duke luajtur Fortnite dhe shikoni një skin i cili iu bën për të qeshur, ju do të keni tendencën të shpenzoni para për ta blerë atë skin gjatë kohës që ju ndiheni të lumtur.

Në Among Us humori vjen më ndryshe, Among Us varet shumë nga aspektin social të lojës. Nëse ju po shikoni një streamer që po luan Among Us dhe po argëtohet nga kjo lojë, kjo t’iu bëjë edhe ju ta provoni ketë lojë.

Mënyra se si humori aplikohet se si interpretohet tek këto lojëra bën që ju të vazhdoni të luani. Nëse një lojë iu bën ju të qeshni dhe iu argëton, ka më shumë mundësi që ju të vazhdoni të luani ketë lojë se sa një lojë që nuk iu argëton.