Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
A i hamendësoni dot?
Ylli i Twitch Michael ‘shroud’ Grzesiek është padyshim një nga gamerat më të njohur në të gjithë botën dhe tani ai ka zbuluar për fansat e tij tre lojërat e tij më të pëlqyera të të gjitha kohërave.
Shroud është bërë një nga streamerat më të mëdhenj në Twitch, falë aftësive të tij të jashtëzakonshme në çdo lojë që ai fillon. Me mijëra shikues janë gjithmonë aty në kanalin e tij për ta parë kur luan dhe në momentet e tij të humorit.
Kanadezi nuk fokusohet specifikisht në një lojë, në dallim me personalitete të tjera të Twitch që parkohen në një lojë dhe nuk lëvizin. Rrjedhimisht për të është më e vështirë të zbulojë se cilat janë lojërat e tij të preferuara, por më në fund 25 vjeçari e ka shuar kuriozitetin e fansave.
Pasi u pyet nga një anëtar i audiencës së tij për top tre lojërat e tij të preferuara të të gjitha kohërave, streameri menjëherë u përgjigj: “Counter-Strike“, që nuk vjen si ndonjë surprizë e madhe. Shroud është një ish lojtar pro i CS:GO që ka kaluar vite me fps e Valve, duke fituar mijëra dollarë duke konkuruar në disa nga skenat më të mëdha në botë.
E dyta në listë ishte World of Warcraft, një tjetër emër që nuk i shokoi shumë shikuesit, pasi që kur loja është lançuar në gusht, është thuajse çdo gjë që ai ka luajtur. Në një pikë varësia e tij ndaj WoW Classic ishte aq e madhe sa po fuste të dashurën për ta ndihmuar të shmangte rradhët e pritjes dhe madje në një pikë ai edhe deklaroi se do të bënte stream vetëm WoW.
Loja e tretë dhe e fundit ishte pak e vështirë për tu gjetur nga ana e tij, por pasi u ankua se nuk vinte dot zhanrën battle-royale në vend të tretë, ai tha se PUBG ishte zgjidhja e tij përfundimtare.
Sigurisht që sado që këto janë tre lojërat e preferuara të shroud, kjo nuk e ndalon atë nga të luajturit e lojërave të tjera, me streamerin që momentalisht po luante Apex Legends. Loja së fundmi hyri në sezonin e tretë të saj.
Gjithsesi, në fund të ditës nuk ka rëndësi se çfarë është duke luajtur streameri 25 vjeçar, pasi është thuajse e garantuar që gjithmonë do të gjeni gameplay të një cilësie të lartë në kanalin e tij të Twitch.
