Kohët e sotme ka më shumë para të hedhura në esports se kurrë më parë, por edhe nëse ke talentin, të kesh mundësi të marrësh një pjesë të tyre nuk është aspak e lehtë. Gjithsesi, Shroud ka një sugjerim që mund ta bëjë më të thjeshtë për të gjithë ne marrjen e parave. Thjesht luani Fortnite.
Përgjatë fundjavës, streamer-i që krijoi një emër për veten e tij duke luajtur Counter-Strike: Global Offensive, ju tha fansave se sado që nuk është duke kërkuar që ti futet sërish botës kompetitive të lojërave, battle royale i Epic do të ishte zgjidhja më e mirë për këdo.
Gjatë stream-it të tij ai u shpreh: “Mendoj se Fortnite është mënyra më e sigurt për të marrë para nga pjesa e battle royale, sepse është praktikisht thjesht para falas. Ëdhe nëse humbet ti fiton. Jo shumë lojëra janë kështu, por Fortnite është një prej tyre.”
Duket se Shroud po i referohet Fortnite World Cup. Prize pool-i për këtë kompeticion që do të mbahet javën e ardhshme është $30 milion. Edhe lojtarët që dalin të fundit në listë, prapë marrin $50,000 me vete kur ikin.
Në esports kjo nuk është ndonjë gjë e re. Shumë skuadra që largohen nga fazat e hershme të turnamenteve të League of Legends ose Dota për shembull, do të marrin sërish me ta një përqindje të vogël të parave. Gjithsesi në rastin e Fortnite hidhen shumë para dhe edhe lojtarët që dalin në vend të 100 ikin me xhepat plot.
Duhet përmendur se nuk është kaq e thjesht sa Shroud e thotë në teori. Që të arrish deri në këtë pikë të finaleve duhet të jesh shumë i aftë në lojë. Të mendosh që as Ninja nuk ja doli të hynte kur erdhi puna te finalja e Fortnite World Cup. Gjithsesi pasi ja del të jesh aq i mirë, e gjithë pjesa tjetër është fushë me lule, sipas Shroud.