Shpata është arma më e re në battle royale Fortnite

Një armë e denjë për një mbret

Një armë e re po vjen në Fortnite: Battle Royale, por këtë rradhë nuk do të ketë nevojë për plumba ose municione.

Shpata është arma më e fundit që do i shtohet Fortnite sipas Epic Games. Ky i fundit postoi një video të shkkurtër në twitter në mëngjes nën mbishkrimin “një armë e denjë për një mbret” po vjen në Fortnite.

Klipi tregon një shpatë që shkulet nga toka, me shumë mundësi në homazh të Eskaliburit. Emri i shpatës mbetet ende i panjohur. Do të jetë shumë interesante të shohim si do ja dalë mbanë një shpatë në Fortnite. Kjo mund të mos jetë arma më efektive në shumë situata por është perfekte për ndërveprime të afërta.

Informacione të tjera mbi shpatën mbeten të pazbuluara, por duke marrë parasysh ritmin që ndjek Epic zakonisht nëpër këto situata, shpata mund të vijë edhe brenda javës.