Erik Wolpaw, një nga shkrimtarët e Portal, Portal 2, Left 4 Dead dhe të dy serive të Half-Life 2, rikthehet në Valve.
Erik Wolpaw, një nga shkrimtarët e Portal, Portal 2, Left 4 Dead dhe të dy serive të Half-Life 2, rikthehet në Valve.
Lajmi na vjen nga përdoruesi Trenchman në Reddit dhe nga një i njohur i Valve i quajtur Tyler McVicker. Trenchman kishte vënë re Erik Wolpaw të listuar në sektorin e credits për Artifact, loja digjitale që Valve lançoi në nëntor. Krahas kësaj është zbuluar edhe një email i dërguar kreut të studios, Gabe Newell. Një email të cilit McViker ju përgjigj me “ai është kthyer”.
Erik fillimisht e la studion në shkurt të 2017s. Kjo ishte padyshim një humbje në skuadrën kreative të Valve dhe një fenomen që i la fansat të pyesnin veten nëse Valve do të rikthehej më në biznesin e zhvillimit. Ikja e Wolfpack solli edhe largimin e shkrimtarëve Marc Laidlaw, Chet Faliszek dhe Jay Pinkerton. Gjithsesi duket se gjërat po kthehen në drejtimin e kundërt, pasi Pinkerton u kthye në kompani nga fundi i korrikut të vitit të shkuar.
Pas vitesh investim në VR dhe në Steam, Valve tha se do të fillojë sërisht të bëjë lojëra dhe Artifact është vetëm e para. Shenjat duken premtuese se në të ardhmen do të mund të shohim Valve të rikthehet me një seri tjetër të Half-Life.
Newell gjithashtu ka konfirmuar se Valve po punon me tre lojëra VR. Sado që kjo do të ishte fantastike, mbi të gjitha nëse një nga këto është vazhdimi i Half-Life. Le të shpresojmë se rikthimi i fytyrave të vjetra në studio do të nxisi më shumë krijimtarinë e saj në lojëra të tjera.