Kaq popullore sa është bërë anime vitet e fundit, është normale që interesi për të adaptuar disa prej tyre si filma live-action të jetë prezent. Këto të fundit padyshim që janë përmirësuar gjithmonë e më shumë me kalimin e kohës dhe në nga tentativat që mbahet mend shumë ishte filmi i Death Note.
Sado që disa fansa të origjinalit kishin probleme me mënyrën se si filmi e kishte reflektuar serialin origjinal, reagimet ndaj tij ishin kaq pozitive, sa Netflix konfirmoi edhe vazhdimin e tij. Sidoqoftë, ka kaluar pak kohë që kur kemi marrë ndonjë lajm prej tij.
Tani, skenaristi i Death Note 2, Greg Russo, bëri një update të shpejtë në Twitter për ecurinë e punës, duke thënë se sado që ka qenë i heshtur, është duke përgatitur diçka të mirë për të cilën, nuk mund të flasi dot.
Russo është një nga anëtarët e rinj të skuadrës, pasi filmi i parë u shkruajt nga Charles dhe Vlas Parlapanides dhe Jeremy Slater. Ende nuk ka detaje mbi pjesën tjetër të produksionit të Death Note 2, ndaj është pak e paqartë nëse regjizori Adam Wingard do të rikthehet për vazhdimin e tij ose jo. E njejta gjë vlen edhe për anëtarët e kastit.
Që kur filmi u njoftua vjet, ky është update-i i parë real që kemi marrë për të. Filmi i parë u mbyll në një mënyrë që të linte goxha vend për vazhdimin. Ekziston edhe mundësia që filmi i dytë të trajtojë një histori komplet tjetër. Siç fansat e serisë e dinë, kushto që e ka librin mund të bëjë çfarë të dojë me të. Me pak fjalë ka goxha vend për të luajtur me vazhdimin.
I krijuar fillimisht nga Tsugumi Ohba, me ilustrime nga Takeshi Obata në 2003, Death Note ka frymëzuar një seri të tërë anime, disa videolojëra, një film të animuar, një novelë dhe një film në Netflix.