Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Ah, të shkosh në shkollë dhe të luash Smash Bros Ultimate
Ka kaluar pak kohë që kur shkollat dhe sistemi arsimor në botë e ka njohur vlerën e kompjuterave. Them në botë sepse është realisht për të qeshur që thjesht ta kesh një ide të tillë për shkollat shqiptare, por gjithsesi ishte një raportim tepër interesant që na tërhoqi vëmendjen. Si duket konsolat e Nintendo do të përdoren në shkolla për qëllime edukative.
Kjo është ideja e Digital Schoolhouse, një organizatë jo fitimprurëse e mbështetur nga qeveria, që ka si qëllim tu mësojë fëmijëve aftësitë kompjuterike. Në krye të listës në planin e tyre është Smash Bros Ultimate, e cila mendohet ti mësojë nxënësit për punën në skuadër.
Që në krijimin e saj në vitin 2014, Digital Schoolhouse është mbështetur nga shumë kompani videolojërash dhe vitin e ardhshëm ka në plan të zgjerohet me 30,000 studentë dhe 7,000 mësues. Sipermarrja gjithashtu do të mbështetet nga Ukie, një kompani e industrisë së gaming.
Nintendo UK gjithashtu ka shprehur opinionin e saj mbi këtë nisëm, duke thënë se “kjo gjë mund të frymëzojë gjeneratën e ardhshme të mendjeve rinore në UK.”
Është e këndshme të shohësh se si njerëzit po ja shohin gjithmonë e më shumë benefitet e të luajturit lojëra. Një studim i fundit i bërë nga Institute for Human Development në Berlin, thotë se të luajturit videolojëra “rrit aktivitetin e trurit në formimin e memories dhe planifikimin strategjik, por edhe në aftësitë motorike.”
Sigurisht që çdo gamer e di që të luajturit lojëra të bën më inteligjent, por prapë është e këndshme ta kesh të konfirmuar dhe të aplikuar herë pas here.
