Shkencëtarët po përdorin Minecraft që t’i mësojnë fëmijëve diabetin

Një ekip kërkuesish është duke përdorur Minecraft për të krijuar një model të trupit njerëzor që i jep studentëve një pamje më të qartë të diabetit, çfarë është, si funksionon dhe organet që ai prek dhe dëmton. Modeli është masiv dhe i lejon studentët që të udhëtojnë brenda sistemit tretës së njeriut dhe më pas t’i zbërthejnë gjërat në nivel qelizor.

Ky model është ndërtuar në strukturën e një turi first-person dhe është pak a shumë si një hartë komplekse e Minecraft. Lojtarët fillojnë duke rënë në gojën e një figure gjigande humane dhe më pas mund të marrin një Redstone-powered minecart në stomak, ku më pas duhet të kërcejnë rreth copëzave ushqimore që po shpërbëhen në acid. Nga ajo pikë pastaj te zorra e hollë dhe me një ndalesë në pankreas, për më shumë informacione mbi prodhimin e insulinës.

Pasi të merrni atë kthesë do të teleportoheni në një labirinth, që prezanton qelizat e pankreasit, ku duhet të gjeni rajonet që prodhojnë insulinën brenda pankreasit. Më pas do të shkoni në një qelizë gjaku për të ndjekur rrugën që ajo merr në rrjedhën e gjakut me insulinën dhe glukozën.

Është një projekt gjigand dhe përfshin punë nga përfaqësues të UWE Bristol, University of Aberdeen, University of Hull dhe Lancaster University, me mbështetjen e një burse nga Royal Society of Chemistry Outreach Fund. Shkencëtarët thonë se kanë kuptuar që Minecraft shërben si një karrem, që i bën fëmijët të ndërveprojnë më shumë me tematikën. Sipas tyre fëmijët që e përdorin lojën për të mësuar përfundojnë duke i kuptuar më mirë mësimet.