Garena Free Fire është një nga lojërat më të famshme mobile battle royale në treg. Baza e lojtarëve të saj është shumë e madhe dhe për shkak të kësaj ka gjithmonë një kërkesë të lartë për gjërat që sjellin zhvilluesit. Një nga gjërat që Garena sjell është Free Fire Advanced server, ku vetëm disa lojtarë mund të fitojnë akses.
Në këtë artikull do të shohim se si mund të futeni dhe të aksesoni content-in e ri në Free Fire.
Serverat e avancuar në Free Fire janë praktikisht aplikacionet beta ku zhvilluesit bëjnë testimet e tyre. Në këtë aplikacion testohet çdo gjë që do të vijë në update-in e ardhshëm sezonal dhe që më pas shtohet në Free Fire. Nëse doni të shikoni se çfarë të rejash do të vijnë në lojë, ju mund të aksesoni serverat e avancuar.
Përpara se ta bëni këtë gjë, ju pret një barrierë e vogël. Është fakt që faza beta zakonisht mbahet për një grup të përzgjedhur lojtarësh, ndaj vetëm një sasi e vogël vendesh fikse është e disponueshme. Për një lojë si Free Fire baza e lojtarëve është gjigande, ndaj aksesi nuk është i mundur për të gjithë. Për t’u përballur me këtë problem Garena ka hapur një proces regjistrimi, përmes të cilit lojtarët mund të regjistrohen dhe të provojnë content-in e ri. Ja se si mund të regjistroheni:
SI TË SHKARKONI FREE FIRE ADVANCE SERVER NË 2021
- Klikoni këtu për të vizituar website-in e Free Fire Advance Server dhe bëni login duke përdorur Facebook ID. Sigurohuni që adresa juaj e Free Fire është e lidhur me rrjetet sociale përkatëse para se të regjistroheni.
- Fusni email ID dhe numrin e telefonit në faqen e rradhës
- Nëse regjistrimi juaj është i suksesshëm, do të merrni një kod aktivizimi bashkë me linkun për të shkarkuar advance server.
- Shkarkoni lojën dhe fusni kodin e aktivizimit për të aksesuar Free Fire Advance Server.
Procesi i të marrit të një kodi aktivizimi është i gjatë dhe i lodhshëm, pasi vendet janë të pakta dhe mundësitë janë të ulëta. Nëse doni të bëni një regjistrim të suksesshëm, sigurohuni që të plotësoni formularët në momentin që ato bëhen të disponueshme dhe përsëriteni këtë proces çdo sezon derisa të keni akses.