E mbani mend Shipment 24/7 në Modern Warfare? Ajo është rikthyer, këtë rradhë në CS:GO. Sado që gameplay i shpejtë i Modern Warfare nuk përkthehet në mënyrë perfekte brenda shooter-it relativisht të ngadaltë të Vave, harta e Call of Duty është përshtatur çuditërisht shumë mirë në lojë.
Mitrichone, moder-i që ka sjellë Shipment, e ka rikrijuar hartën e Modern Warfare në mënyrë aq perfekte sa është thuajse e padallueshme po ta shohësh në foto. Kjo hartë mund të luhet plotësisht në çdo mode loje të CS:GO.
Ky rikrijim i Shipement është i bazuar në versionin e 2019s nga Modern Warfare, që ka disa ndryshime nga versioni origjinal. Mund të themi se ndër dallimet më të rëndësishme është paleti i ngjyrave të hartës.
Mund të gjeni më shumë punime të hartave të Call of Duty nga Mitrichone në CS:GO Workshop. Në 2015 Mitrichone solli Killhouse dhe versionin e 2007s të Shipment në CS:GO. Nëse po kërkoni për pak nostalgji, pa patur nevojën që të nxirrni kopjen e vjetër të Modern Warfare, kjo mund të jetë mënyra më e mirë për të përjetuar këto harta klasike.