Përgjatë 14 ditëve të fundit, shikueshmëria e Fortnite ka rënë me ritme të shpejta, ndërkohë që ajo e Minecraft ka bërë të kundërtën. Kjo sepse shumë streamer-a kanë kaluar në Minecraft pas kontraditave të shumta me BRUTE.
Lojtarët e Fortnite kanë qenë shumë të inatosur me prezencën e mechs në lojë dhe normalisht që kanë filluar të eksplorojnë lojëra të reja.
Disa nga streamer-at më të mirë të Twitch si CouRageJD dhe TimTheTatman kanë luajtur lojëra të tjera si Minecraft dhe Counter-Strike për tu arratisur pak nga mechs-at. Si rezultat shikueshmëria e Fortnite ka rënë në Twitch dhe ajo e Minecaft është rritur.
Numrat momentalisht tregojnë se orët që janë parë Fortnite gjatë 14 ditëve të fundit kanë qenë 40 milion. Një numër mjaft i mirë, por prapë tregon një rënie me 23.5% në krahasim me çfarë ishte para dy javësh.
Minecraft nga ana tjetër ka patur mbi 15 milion orë, që për lojën nënkuptojnë një rritje me 28% në dy javët e fundit.
Sidoqoftë me nerfin masiv që i është dhënë BRUTE, është e mundur që Fortnite dhe streamer-at e saj të rikthehen aty ku ishin. Fortnite e ka kryesuar Twitch që në hapat e para të lançimit të saj dhe edhe kur ka patur momente të vështira, prapë ja ka dalë mbanë të kthehet në majë.
Me lançimin e World of Warcraft Classic në fund të gushtit, do të kemi rritjen e shikueshmërisë në streamer-a si Cloak, TIm dhe DrLupo. Të gjithë këta e kanë konfirmuar se do e luajnë, ndaj gjërat mund të mos bëhen menjëherë mirë për Fortnite.
Gjithsesi Fortnite është në një pikë pak delikate për momentin. Le të shpresojmë që nerfi i Epic do i kënaqë lojtarët pak më shumë se i pari.