Loja do të lançohet këtë verë.
Loja do të lançohet këtë verë.
Në Game Awards 2018, zhvilluesi i No Man’s Sky, Hello Games, njoftoi një projekt të ri të quajtur The Last Campfire. Duke qenë se është zhvilluar vetëm nga dy njerëz të asaj studioje, është një lojë në shkallë më të vogël se No Man’s Sky. Kreu i studios e përshkroi të ngjashme me projektet e shkurtra të Pixar, duke thënë se: “Është një mënyrë për të rritur kreativitetin dhe zërat e rinj në studio.”
Që kur u prezantua në Game Awards, nuk kemi dëgjuar asgjë të re për të, por sot Hello postoi disa screens dhe një trailer të ri të lojës, që tregonte pak më shumë se thjesht botën e saj mistike.
The Last Campfire është e listuar edhe në Steam, sado që faqja nuk jep shumë detaje për natyrën e lojës. Pavarësisht mungesës së specifikave, loja duket goxha interesante. Një datë lançimi nuk është caktuar akoma, por Hello Games ka thënë se pret që The Last Campfire të lançohet këtë verë.