Activision zbuloi gjithashtu dhe orën e lançimit të lojës
Activision zbuloi gjithashtu dhe orën e lançimit të lojës
Një trailer i ri për Call of Duty: Modern Warfare na prezanton me disa prej veçorive ekskluzive për PC të lojës, duke nisur nga suporti për rezolucionin 4K, framerate të palimituara, monitorë ultrawide dhe përdorimi i disa monitorëve.
Trailer-i tregon disa gjëra bazë që tashmë priten nga versionet në PC të lojrave të ndryshme, por Activision thotë në një postim se lojtarët duhet të presin më shumë kur të luajnë lojën. “Beenox ka punuar shumë pranë Inifnity Ward për t’u siguruar se versioni për PC i Modern Warfare do të jetë në një nivel tjetër për sa i përket personalizimit, duke ofruar më shumë se në çdo lojë tjetër Call of Duty.”
Activision gjithashtu zbuloi dhe kohën e preload dhe lançimit të lojës. Lojtarët do të kenë mundësi ta shkarkojnë lojën duke nisur nga ora 19:00 në 22 tetor, ndërkohë që ata do të kenë mundësi ta luajnë atë në 25 tetor, duke nisur nga ora 03:00. Loja do të jetë ekskluzive në Battle.net.