Me sezonin e dytë të Apex Legends që po vjen drejt fundit, ka ardhur koha që të dini se cilat ranked rewards do të vijnë në lojë. Ishte Respawn Entertainment që i zbuloi këto sot përmes një postimi në Twitter, duke zbuluar tre mënyra për të treguar se çfarë aftësish keni në këtë battle royale.
Fillimisht do të merrni një hajmali për armën tuaj dhe një shenjë në profilin tuaj që do të tregojë rankun më të madh të marrë deri në fund të serive: Bronze, Silver, Gold, Platinum, Diamond dhe Apex Predator. Për këto dy të fundit do të ketë edhe skydive trail të shoqëruar me një farë vetëtime, të cilat dallojnë vetëm nga ngjyra e kuqe dhe blu.
Apex Legends ka ecur shumë që nga sezoni i parë, i cili u kritikua shumë për mungesë përmbajteje. Sezoni i dytë pastaj bëri përmirësime të shumta në këtë aspekt. Respawn jo vetëm që rregulloi battle pass-in, por gjithashtu solli edhe ranked mode.
Me mbylljen e Sezonit të 2 edhe Series 1 do të mbarojë mjaft shpejt, ndaj do të hamendësojmë që keni edhe pak javë të mbetura për të siguruar rankun e dëshiruar.
Sezoni i 3 i lojës mendohet të quhet Fire and Ice dhe supozohet të sjellë më në fund Crypto, legjendën më të re të lojës. Mund të prisni që sezoni i ri të fillojë diku nga tetori së bashku me një battle pass të ri dhe Series 2, me një tjetër raund rewards-ash.
Apex Legends është falas për tu luajtur në PlayStation 4, Xbox One dhe PC dhe zhvilluesi i saj, Respawn Entertainment ka thënë se ka plane për ta sjellë në mobile në një pikë në të ardhmen.