Një nga lojërat më mbreslënëse që u prezantua gjatë eventit të fundit të PlayStation 5 ishte Horizon Forbidden West. Aventura e re e Aloy është krijuar për gjeneratën e re që nga fillimi dhe siç pritej, Guerilla Games ka bërë sërish magjinë e saj nga ana teknike.
Gjithsesi, studioja ka postuar dy screenshote që me shumë mundësi do të jenë wallpaper-i i ri i desktopit tuaj. Ja vlen të përmendim se në të dyja imazhet është shënimi: ‘Captured on PS5’ në cepin e poshtë majtas.
Nuk është konfirmuar nëse këto janë pamje të gameplay-it që thjeshtë janë kapur nga HUD ose cutscenes. Gjithsesi, kjo tregon që grafikat do të jenë mjaft të arrira dhe se mund të presim diçka të ngjashme nga lançimi final i lojës.