Shikoni pamjet e para të Terminator dhe Joker në Mortal Kombat 11

Traileri i Kombat Pack është publikuar, duke konfirmuar Joker dhe Terminator.

Prej kohësh ka qenë e ditur se Kombat Pack-u i parë i Mortal Kombat do të përfshinte tre personazhe të jashtëm, por krahas Spawn, të tjerët gjithmonë kanë qenë një mister. Tani Nether Realm e ka zyrtarizuar se do të jenë Joker dhe Terminator, dy të tjerët.

Nuk është tamam ndonjë surprizë, sepse kanë qenë dy emra që shpesh herë janë hamendësuar për të ardhur në Kombat Pack, por gjithsesi është e këndshme ti kesh të konfirmuar. Mund të shikoni videon e të gjashtë personazheve më poshtë.

Duhet ta pranojmë që do të jetë vërtetë interesante të shohim se çfarë lloj dhune to të sjellë Arnold Schwarzenegger në Mortal Kombat. Terminator-i që do të shikoni këtu është i bazuar në pamjen e aktorit për filmin e ardhshëm Terminator: Dark Fate.

Jemi të sigurtë që jeni të njohur me Terminator dhe Joker për këto janë përshkrimet zyrtare që ju kanë dhënë dy personazheve:

• Terminator T-800 nga Terminator: Dark Fate është një makineri vrasëse e kthyer pas në kohë nga një e ardhme post-apokaliptike. Ai është thuajse i pashkatërrueshëm dhe zotëron me të një teknologji superiore. Janë aftësitë vrastare dhe inteligjenca e tij artificiale ato që e bëjnë atë makinerinë më të fortë vrastare. Terminator T-800 do ti ngjasojë Arnold Schwarzenegger në Mortal Kombat 11.
• Joker i DC është një nga antagonistët më të shkëlqyer të të gjitha kohërave dhe një ikonë në kulturë. I pamëshirëshëm, shumë i rrezikshëm dhe shkaktar i një kaosi masiv, Joker sjell një stil luftimi vdekjeprurës dhe të paparashikueshëm në Mortal Kombat 11.

Terminator, Joker dhe Spawn do të jenë të disponueshëm për $6 secili dhe për $40 nëse merrni të gjithë Kombat Pack, që përfshin një varietet skinesh dhe cosmetics. Shang Tsung dhe Nightwolf tashmë janë publikuar, Terminator vjen në tetor dhe Joker me Spawn vijnë në fillimin e 2020s.

Mortal Kombat 11 është e disponueshme në PC, Xbox One, PS4 dhe Nintendo Switch.