World of Warcraft: Shadowlands, expansioni i ardhshëm i MMO, do të dalë më vonë gjatë këtij viti. Blizzard është duke bërë diçka për të rritur edhe më shumë anticipimin e lojtarëve për të. Kjo është Shadowlands Afterlives, një seri e re e animuar që u bë tease më herët gjatë kësaj jave, përpara se të kishte premierën në Gamescom Opening Night Live.
Përpara se të rrisni shpresat kot, ky nuk është ndonjë projekt me buxhet të madh i Netflix ose ndonjë seri e gjatë që detajon punën e Blizzard. Afterlives është një seri me katër animime të shkurtra 2D.
“Përgatituni të zhyteni në katër mbretëri të Shadowlands: Bastion, Maldraxxus, Ardenweald dhe Revendreth dhe zbuloni udhëtimet që ndërmarrin shpirtrat pasi kalojnë enternal veil,” thotë Blizzard në përshkrimin e tij.
Episodi i parë, Bastion, tregon të parën e këtyre mbretërive. Animimi është i thjeshtë, në fakt zor se është e animuar, por arti është fantastik. Hidhini një sy më poshtë: