HBO ka publikuar një trailer për episodin e dytë të sezonit të tetë të Game of Thrones, që do të vijë javën e ardhshme dhe duhet ta pranojmë, gjërat duken mjaft dramatike. Në trailer mund të dëgjojmë Daenerys të flasë se do ti bëjë gjëra të këqia Jaime-it.
“Kur isha një fëmijë, im vëlla na tregonte përralla para se të flinim, mbi personin që vrau babin tonë. Për të gjitha gjërat që do i bënim atij burri në të ardhmen.” thotë ajo përpara një këshilli. Duket se kanë në dorë fatin e Jamie. Le të mos harrojmë se ai hodhi Ben Stark nga dritarja dhe më në fund i ka ardhur koha që të paguajë edhe për këtë veprim. Jamie duket i trembur teksa qëndron në mes të dhomës.
Pas kësaj pjese, teaser-i fokusohet te Daenerys që flet me Sansa për Cersei dhe se si ajo ka tradhëtuar besimin e tyre. Episodi i dytë do të transmetohet të dielën e 21 prillit, por për ne këtej në orët e para të së hënës. Kënaquni me videon më poshtë tani derisa të vijë java tjetër.