The Last of Us 2 sapo zbuloi tetë minuta gameplay të pandërprerë. Drejtori i Naughty Dog, Neil Druckman, i prezantoi këto pamje të reja të gameplay-it gjatë fundit të transmetimit State of Play të PlayStation.
Pamjet na tregojnë Ellie teksa ajo vazhdon rrugën e saj përtej Seattle, që momentalisht është zënë nga Washington Liberal Front. Ata nuk e preferojnë shumë prezencën e saj aty dhe anasjelltas, por Ellie është aty vetëm për të gjetur një grua të quajtur Nora.
E gjitha fillon me Ellie që ndiqet pas nga WLF. Gjithçka qëndron e qetë dhe pastër deri në pikën ku Ellie shkon në një ndërtesë dhe i del mbrapa një armiku, që është duke luajtur PlayStation Vita me kufje. Ellie përfundon duke i prerë fytin dhe nga ajo pikë gjërat thjesht marrin për keq. Gjithsesi, shikojeni vet që të mos ja u bëjmë të gjithën spoil.
The last of Us 2 supozohej që fillimisht të lançohej në 29 maj, pra sot, por për shkak të Covid-19 u shty për në 19 qershor.