Sfida Rubber Ducky e Fortnite është shumë e vështirë, ndaj Epic ka ndërhyrë për ta ndrequr

Epic Games shpeshherë ju jep si sfidë lojtarëve të Fortnite të kërkojnë objekte në zona të caktuara dhe një nga pikat e 14 Days of Summer është pikërisht gjetje e një rosaku të vogël gome. Nëse ata e gjejnë atë dhe e plotësojnë sfidën, do të marrin Sparkle Soundtrack si shpërblim për në lobbie-t e tyre.

Sfida në pamje të parë duket mjaft e thjeshtë, nëse di se ku të kërkosh, por i vetmi problem është se vetëm një lojtar mund ta marrë roskaun e gomës. Kjo do të thotë që rrugës për ta gjetur do të përballeni me shumë lojtarë të tjerë në të njejtën zonë që duan të njejtën gjë si ju. Pastaj do të kemi një masakër për një rosak gome…, sepse jemi në Fornite dhe kështu funksionojnë gjërat nga këto anë.

Është vërtetuar disa herë se është shumë acaruese për tu plotësuar si sfidë, por Epic Games si duket ka një zgjidhje nën mëngë. Se çfarë është kjo ende nuk e dimë, por kompania e pranoi në Twitter se sfida doli më e vështirë nga ç’e kishin ata për qëllim dhe se do të rregullohej për disa ditë.

Vetëm një lojtar për lojë, ka mundësinë që ta marri rosakun e gomës. Pra nëse ju shkon mendja ta provoni para rregullimeve të Epic dijeni se mundësitë tuaja janë 1 me 100. Nëse dikush e merr para të tjerëve, rosaku thjesht zhduket.

Le të jemi të sinqertë askush nuk ka kaq shumë kohë sa që thjesht të rrijë dhe ta provojë nga e para çdo orë e sekondë, kur probabiliteti është aq i vogël. Do të jetë interesante të shohim se çfarë do të bëjë Epic për këtë gjithsesi.