Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
A mund të sjellë kjo shkatërrimin që mungoi në Cattus Doggus?
Të shtunën që lamë pas, në Fortnite u bë përballja epike mes robotit dhe përbindëshit gjigand në Fortnite. Dy krijesat u zunë në një event masiv të Fortnite, duke lënë për çudi jo shumë dëm kolateral nga mbrapa.
Ishte pak e çuditshme, pasi të gjithë menduan se rimodelimi i hartës do të vinte si pasojë e zënkës së këtyre dy të fundit dhe në fund e vetmja gjë e re që u duk ishte kafka e përbindëshit me shpatën e ngulur mbi të në zonën e Neo Tilted. Asnjë pikë interesi me ndonjë rëndësi të madhe nuk u shkatërrua.
Gjithsesi, kjo gjë mund të ndryshojë.
Gjatë këtij dyluftimi ndodhi diçka që duket të ketë lënë pasoja jo të menjëhershme në lojë. Në pikën kur robotit i shkulet krahu nga përbindëshi, ai tërhoqi energji në paisjen në Loot Lake për të fituar më vonë ndeshjen.
Tani po të shkosh të bësh një xhiro nga Loot Lake ka një rruzull gjigand që po pluskon në qendër të pasijes. Gjatë kësaj pak kohe që ka qenë live, ai ka ndryshuar dhe nuk ka qëndruar fort i stabilizuar. Ja se si dukej në fillim dhe se si dukej një ditë më vonë.
Ideja është që ky rruzull energjie të jetë ai që do e ndryshojë hartën për këtë sezon, si në rastin e vullkanit dhe kometës para tij. Duke marrë parasysh faktin se paisja Loot Lake është aq e fuqishme sa të furnizojë një qytet të tërë, nëse ky rruzull është manifestimi i asaj energjie, atëherë pasojat e ardhura mund të ishin katastrofike.
Dhe sigurisht që kjo është një gjë e mirë, sepse mund të sugjerojë që e gjithë harta e Fortnite do të rrafshohet, një teori kjo që ka qenë për një kohë të gjatë në mendjen e fansave. Për ta bërë një shkatërrim të tillë të mundur, do të duhej një sasi e madhe energjie, që ky rruzull duket ta ketë.
Ne jemi duke ju afruar sezonit të 10 dhe sado që Fortnite është ende super e famshme si lojë, duhet ta pranojmë që nuk është në majat e saj të dikurshme. Një hartë e re do të ishte pikërisht ajo që do i duhej lojës për tu kthyer në majat e saj dhe për të rizgjuar interesin në lojtarët e saj.
Sigurisht që është ende herët për të diskutuar një teori të tillë. Rruzulli mund thjesht të shkaktojë dëme në një zonë të vogël të hartës, duke i dhënë kështu thjesht modifikime në zona të caktuara të saj. Ndoshta edhe shkatërrimi i plotë i hartës nuk do të ishte ideja më e mirë, pasi ndryshimet brenda natës nuk kanë rezultuar ndonjëherë edhe aq të suksesshme, por kjo është në dorën e Epic.
Mbetet të shohim me kalimin e ditëve se çdo të bëhet me këtë rruzull misterioz dhe nëse do të lërë vërtet pasoja masive në ishull.
