PUBG është një lojë e mirë, por jo tamam battle royale më i fortë në treg. Fortnite, Apex Legends dhe Blackout mode i Call of Duty kanë kontribuar në këtë. Falë zotit duket se PUBG Corp e ka kuptuar këtë, ndaj po sjell disa ndryshime interesante në hartat e vjetra të lojës.
Në një update të postuar mbrëmë, zhvilluesit ofruan pamjet e para të update-it vizual të lojës për hartën origjinale të saj, Erangel. Ky ndryshim vjen si një përpjekie për ta sjellë hartën në të njejtin nivel me të tjerat. Do të ketë lloje të reja ndërtesash, terren më realistik dhe disa ndryshime të Blue Zone.
Pamja e re është mjaft mbreslënëse, por kjo nuk është e vetmja gjë që PUBG Corp ka për të ofruar. Update-i gjithashtu përfshin një video sqaruese të të gjitha ndryshimeve që mund të prisni.
Shtojcat e reja përfshijnë një mekanikë kapërcyese, që është deri diku një përmirësim në sistemin e lëvizjeve të lojës. Gjithashtu do të ketë një automjet të ri. PUBG Corp ka vënë dhe balancime armësh në lojë, por që gjithsesi për ti kuptuar më mirë të gjitha ndryshimet e detajuara, shikoni videon më poshtë.