Sezoni i dytë i Apex Legends do të vijë në 2 korrik dhe së bashku me të do të vijnë edhe cosmetics, shpërblime dhe sfida të reja. Gjithashtu edhe disa ndryshime në hartën King Canyon.
Respawn do të shtojë një legjendë të re të qujtur Wattson, aftësitë e së cilit lidhen me krijimin e gardheve elektrike.
Sezoni i 2, me emrin Battle Charge, do të prezantojë edhe një battle pass të ri. Me të do të vijnë shpërblime të reja, skins për personazhe dhe armë, sfida të veçanta dhe një sistem të ri për të fituar crafting metal. Respawn është shprehur se më shumë detaje për sezonin e dytë do të zbulohen në javët e ardhshme.
Ndoshta lajmi më i madh i të gjithë hapësirës dedikuar Apex Legends në EA Play mbrëmë ishte që loja do të shtojë një skill-based ranked mode. Në këtë mode që Respawn po e quan Ranked 1.0, do të jeni në gjendje të ndesheni me disa lojtarë që zotërojnë aftësi të ngjashme si tuajat.
Sezoni i dytë gjithashtu do të prezantojë L-STAR, një armë të bazuar në energji, që sipas Respawn do të jetë mjaft e fuqishme. Armën mund ta kujtojnë lojtarët e Titanfall 2, pasi është shfaqur fillimisht aty si ide.
Gjithsesi me kalimin e kohës do të zbulohen më shumë detaje dhe me ardhjen e sezonit të dytë në 2 korrik do të mund të shohim çdo gjë nga afër.