Patch Notes-at e reja mbi PlayerUnknown’s Battlegrounds janë publikuar. Kjo pak para sezonit të katërt të PUBG që do të fillojë javën e ardhshme. Duket se ndryshimet që do të vijnë do të jenë mjaft të mëdha dhe emocionuese për të gjithë lojtarët. Grafika të përmirësuara për Erangel, Survivor Pass 4: AFTERMATH dhe mekanikat e reja janë vetëm disa nga gjërat që do të vijnë së shpejti në këtë battle royale.
Patch Notes e Update-it të PC 4.1, që u postuan sot në faqen zyrtare të PUBG, i mirëpresin lojtarët në një sezon të ri me plot kontent të ri që do të vijë në lojë. Fillimisht fokusin e kemi në tokën e Erangel, e cila do të marrë një transformim të tërë grafik. Këtu do të kemi përfshirjen e komplekseve të reja plus edhe disa zbulime në historinë intriguese të ishullit. Gjithsesi më shumë për këtë histori do të flasim më poshtë.
Survivor Pass: AFTERMATH gjithashtu duket mjaft mbreslënës. Do të ketë skins dhe sende nga historia e ishullit dhe mbi 100 shpërblime për të marrë nga një varietet i ndryshëm misionesh. Një tjetër gjë e re te ky pass është një sistem ku lojtarët mund të punojnë së bashku për të plotësuar misionet dhe për të fituar më tej shpërblime. Edhe sistemi që ndryshon misionet është përmirësuar, duke i lejuar lojtarët që të përdorin BP për të bërë swap më shumë misione se më parë. AFTERMATH do të zgjasë për 12 javë, midis datave 23 korrik dhe 15 tetor.
Patch Notes sjellin ndryshime në shumë gjëra të tjera, por është për tu veçuar përmirësimet në ndryshimin e misioneve, që do ju lejojë të transferoni deri në 3 misione ditore në ditë falas. BP mund gjithashtu të përdoret për misione të tjera ditore ose javore. Lojtarët që ja dalin ti plotësojnë të treja misionet mund të marrin një set të ri për 1500 BP.
Gjithashtu ka balancime në loot, tipare të reja në disa automjete dhe një makinë të re disqesh në Erangel. Mund ta ndizni për ti kënaqur lojtarët afër me disa këngë ose ta shkatërroni, zgjedhja është në dorën tuaj.
Tani siç e thamë edhe më lart një nga gjërat më interesante rreth sezonit të katërt të PUBG ishte historia që ata kishin sajuar për Erangel. Nuk është ndonjë gjë e re që lojërat battle royale të kenë një histori pas tyre. Në rastin e Fortnite ose Apex Legends kemi patur gjithmonë një zhvillim të mirë të historisë së personazheve dhe mjedisit. Gjithsesi lojëra si PUBG ose Call of Duty janë fokusuar më shumë te pjesa e luftës, duke i lënë elementët e historisë mënjanë.
Gjithsesi për PUBG, kjo e gjitha ndryshoi dje. Sezoni i katër i lojës fillon javën e ardhshme dhe për ta festuar këtë, PUBG Corp ka sjellë një trailer të ri për lojën. Dallimi këtu është që në vend që të fokusohej në tiparet e reja, siç ndodh shpesh, videoja tregon historinë pas lojës battle royale.
E vendosur në Erangelin e vitit 1965, traileri ilustron pushtimin e ishullit nga perspektiva e një djali të ri. Duke u fshehur, ai dëmijë është i vetmi person që i mbijeton sulmit, duke u bërë zyrtarisht “i mbijetuari i parë i Erangel.” Nga ajo pikë e tutje, ai jo vetëm që mbijeton, por merr përsipër ri mësojë të tjerëve mbi potencialin e vërtetë të tyre.
Një monolog pak psikopatik vazhdon pastaj, i cili të lë të kuptosh fëmija ka instaluar kamera sigurie në të gjithë perimetrin e ishullit, për të dokumentuar aktivitetin e 100 vrasësve që ai ka rekrutuar për të luftuar në të.
Në vetëvete si video sjell më shumë pyetje se sa përgjigje. E para e punës, ku i gjeti mjetet ky djali që mbijetoi për të krijuar këtë sistem vigjilimi në ishull? Ekzaktësisht cila pjesë e traumës së fëmijërisë së tij i dha idenë të vinte 100 njerëz kundër njëri-tjetrit deri në vdekje? A vlen e njejta histori edhe për tre hartat e tjera të PUBG dhe mbi të gjitha kujt i lindi ideja për të sajuar një histori të tillë mbi Erangel?
Duhet pranuar se që në fillim të lojës, historia e saj ka qëndruar gjithmonë në trajta enigmatike. Gjithashtu duhet të shtojmë se krijuesi i PUBG, Brendon Greene, ka thënë më parë se një histori mbrapa gjithë idesë së lojës ekziston. Nëse kjo është ajo ende nuk e dimë. Ndoshta ky trailer do të zgjerohet me një më të gjatë, që shpjegon pak më mirë se çfarë ka ndodhur.
Trailer-in për historinë e Erangel mund ta shikoni më lart. Do të jetë interesante të zbulojmë nëse kjo histori do të ndikojë ndopak në botën e PUBG, ose në ndonjë event të ardhshëm në lojë. Sezoni i katërt i PUBG do të vijë javën e ardhshme në PC dhe nga fundi i verës për në konsola.