Sezoni i 10 i Fortnite hapet me luftë macesh dhe qensh

Final Showdown është eventi i madh i Fortnite dhe realisht është aq qesharak sa ç’duket

Sezoni i 10 i Fortnite është shumë afër nesh dhe leaks-at e fundit nga Sezoni i 9 na kanë dhënë një ide mjaft të mirë se çfarë duhet të presim. Kalimi nga një sezon te tjetri do të bëhet si gjithmonë përmes një eventi të veçantë. Këtë rradhë ai do të quhet “The Final Showdown”.

Gjithsesi fansat e Fortnite kanë zgjedhur një emër tjetër më të përshtatshëm për të, duke ju referuar eventit si “Cattus Doggus”. Ky i fundit do të mbahet këtë të shtunë, në datë 20 korrik. Ideja është që lojtarët do të dëshmojnë një ndeshje mes një krijese gjigande në trajtat e një maceje dhe një ariu robot.

Zhvilluesi i lojës, Epic Games e ka nisur këtë përballje që në fillim të sezonit të nëntë. Cattus fillimisht u dallua në akull dhe më pas qarkulloi në hartë, derisa përfundoi në Loot Lake.

Doggus nga ana tjetër ka marrë gradualisht formë në Pressure Plant. Në update-in e fundit të Fortnite forma e tij përfundimtare u zbulua dhe ishte një version mekanik i të famshmes Cuddle Team Leader, nga ditët e hershme të Fortnite.

Për ata lojtarë që kanë qenë duke mbledhur pjesën e tyre të Fortnite Fortbytes, një pjesë më e madhe e imazhit është treguar. Ky i fundit jep më shumë të dhëna rreth përballjes Cattus VS Doggus. Mendohet se këtu lojtarët do të shohin nga platforma të veçanta në qiell dhe do të tregojnë mbështetjen e tyre për njërën nga palët.

Nuk është ende e qartë nëse këto mbështetje do të kenë ndonjë ndikim mbi këtë zënkë ose nëse lojtarët që mbështetën fituesin do të marrin ndonjë shpërblim. Çmime të veçanta mund të jepen për ata që u bënë palë me skuadrën e duhur. Gjithsesi gjasat janë që vetë Epic do të japë më shumë informacione në ditët e ardhshme për këtë betejë.

Cilido qoftë rasti, gjithçka që ju duhet të bëni është që të uleni aty përpara ekranit ditën e shtunë. Ndoshta nuk do të jetë ndonjë event aq fantastik sa ai për ardhjen e Sezonit të 9, por me Epic nuk i dihet kurrë.