Sezoni i ri i Fortnite do të vonohet sërish?

Epic Games mund të jetë në prag të njoftimit të një tjetër shtyrjeje për sezonin e tanishëm të Fortnite Chapter 2. Kjo pasi një leaker tha se data e Season 2 është vonuar sërish.

Fansat e lojës së famshme battle royale kanë pritur më shumë se kurrë më parë për ardhjen e një sezoni të ri. Duket se zhvilluesit do ju kërkojnë lojtarëve për pak më shumë durim në update-in e ardhshëm.

Fortnite Chapter 2 filloi në tetor të 2019s dhe që nga ajo pikë kemi parë shumë gjëra të ndodhin në lojë: një crossover me Star Wars dhe një event Winterfest, që kanë filluar dhe mbaruar tashmë. Deri më tani asnjë shenjë për ndonjë ndryshim radikal nuk ka ardhur në lojë, pavarësisht kërkesave të larta që ka patur komuniteti.

Në nëntor u njoftua nga Epic se fillimi i shkurtit do të ishte lançimi i Season 2. Tani, një leaker deklaron se kjo datë është shtyrë sërish. Lajmi vjen nga HYPEX, një dataminer i njohur në botën e Fortnite. Ai tha se nga 6 shkurti, Season 2 do të vonohet për në 20 shkurt.

Kushdo që është pjesë e komunitetit të Fortnite, e di që ndryshime të mëdha pritet të vijnë në lojë, por nëse ky leak do të jetë i vërtetë, atëherë pritja e fansave do të jetë shumë më e gjatë se ç’pritej.

Ninja, Tfue dhe shumë streamera të tjerë kanë bërë thirrje që gjërat të ndryshohen pak përgjatë Season 1. Nëse Fortnite Chapter 2 Season 2 do të vonohet realisht deri në 20 shkurt mbetet të shohim. Në momentin që të marrim një kofirmim nga zhvilluesit do ju vëmë në dijeni.