Për disa gamers, shkëputja e parë e varësisë së krijuar ndaj Valorant, do të ndodhë sot dhe jo prej vullnetit të tyre të lirë.
Riot ka thënë se do të fikë serverat e lojës për dy orë për arsye mirëmbajtjeje, rregullimin e bugs në audio dhe exploiteve të hartës. Fatmirësisht kjo do të ndodhë në orët e para të mëngjesit, pa i prishur punë shumë njerëzve.
Serveri i NA do të ndalet në 6:30am CT dhe më pas do të jetë offline në 8am CT dhe prapë online në 11am CT, që me orën tonë i bie 6 e pasdites. Gjithsesi për EU Riot do të presë deri në datë 15 prill për ta bërë kërë gjë.
Valorant ka qenë një sukses masiv në Twitch. Shumica, në mos të gjithë streamerat e kanë luajtur betan e saj, përfshirë emra si Summit1g, Lirik, DrLupo, Dr Disrespect etj.
Le të shpresojmë që fikja e servera të jetë vërtetë dy orë, sa ç’thotë edhe Riot. Duhet të kemi parasysh se kjo është ende një beta dhe çdo gjë mund të ndodhë. Beta e Valorant pritet të shpërndahet në më shumë lojtarë gjatë verës, e njejta periudhë që Riot përflet edhe për lançimin zyrtar të lojës.