Serverat e Call of Duty: Modern Warfare janë hakuar

Lizard Squad ka marrë përgjegjësi për sulmin

Serverat e Call of Duty: Modern Warfare kanë pasur probleme të shumta ditën e sotme, 13 nëntor, me grupin e hackers Lizard Squad që ka marrë përgjegjësi.

Në 13 nëntor, rreth orës 16:30, mijëra lojtarë të Call of Duty raportuan se nuk mund të futeshin në serverat e Modern Warfare. Shumë përdorues të të reja platformave, PC, PS4 dhe Xbox One merrnin një error code kur mundoheshin të futeshin në servera.

Edhe pse disa lojtarë mund të futeshin në lojë, shumë të tjerë nga e gjithë bota hasën probleme. Kjo është hera e parë që serverat e Modern Warfare kanë pasur probleme që prej lançimit të lojës, gjatë së cilës serverat u mbyllën për shkak të numrit të madh të lojtarëve.

Duket se tashmë këto probleme janë zgjidhur dhe serverat e lojës janë onlinë. Sipas Down Detector, pati rreth 5000 raportime nga e gjithë bota në orën 16:30.

Në Twitter, Lizard Squad duket se e ka paralajmëruar këtë sulm më herët, pasi në 10 nëntor ata postuan një tweet ku thonin se do të mbyllnin serverat e lojës sepse ajo ishte shumë e keqe. Lizard Squad janë gjithashtu përgjegjës për problemet me serverat e Fortnite në 9 nëntor.