Geralt vazhdon të jetë një personazh shumë shumëpopullor, me CD Projekt që raportoi se shitjet e The Witcher kanë tejkaluar 50 milion kopje këtë vit. Aspak keq kur merr parasysh që loja e fundit e trilogjisë u lançua përpara pesë viteve.
Në këtë periudhë vitin e shkuar, CDP raportoi se kishte kaluar mbi 40 milionë shitje, nga të cilat ato të The Witcher 3 kishin kontribuar më së shumti. Kjo është një diferencë me 10 milionë më shumë në vetëm 12 muaj.
Padyshim që adaptimi i The Witcher në Netflix ka patur të bëjë shumë me këtë. Seriali erdhi në dhjetor të 2019s, duke rritur ndjeshëm shitjet e The Witcher 3, që panë një rritje me 554% në krahasim me dhjetorin e 2018s. Muajin e kaluar loja kaloi 100,000 lojtarë njëheresh në Steam për herën e parë.
The Witcher 3 gjithashtu u lançua në Switch vitin e shkuar, e pasuar nga Thronebreaker: The Witcher Tales në janar. Edhe lojërat e vjetra të The Witcher janë rritur në popullaritet këtë vit. Nuk është nevoja fare ta themi pastaj që CD Projekt Red ka fituar shuma masive parash prej kësaj.
Sado që momentalisht ka humbur i gjithë ai hype i madh i The Witcher në Netflix, seriali do të rikthehet për një sezon të dytë. Ky i fundit pritej të lançohej vitin e ardhshëm, por kjo ishte përpara se produksioni të pezullohej për shkak të Coronavirus.