Një version pa incest dhe me më shumë armë i Game of Thrones
Një version pa incest dhe me më shumë armë i Game of Thrones
Seriali televiziv i Halo, i cili pritet të nisë prodhimin më vonë gjatë këtij duket se do t’i ngjajë Game of Thrones, por pa skenat e incestit. Në një podcast, Kiki Wolfkill, drejtore e medias në zhvilluesin e Halo, 343 Industries, dha më shumë detaje mbi serialin e ardhshëm.
Sipas Wolfkill, natura e universit fantastiko-shkencor të Halo do të thotë se “është shumë e vështirë të gjesh diçka të ngjashme” me seriale të tjera. Megjithatë, ajo gjithashtu thotë se “kur vjen puna te shkalla, ideja dhe kompleksiteti i marrëdhënieve, shpesh herë diskutojmë për Game of Thrones“.
Intrigat politike të serisë së famshme të HBO do të jenë gjithashtu kyç në adaptimin e 343. Wolfkill thotë se “një pjesë e tematikës së Halo ka lidhje dhe me dramat politike“. Edhe pse kjo nuk është e dukshme në lojëra, kjo temë eksplorohet më në thellësi “në disa forma të tjera“. Megjithatë, ata që janë fansa të skenave pak më erotike të Game of Thrones duket se do të zhgënjehen.
Wolfkill thotë se “nuk planifikohet aspak incest në këtë serial. Nëse prisni diçka të tillë, nuk do t’a gjeni këtu“. Kjo padyshim që ka lidhje me marrëdhënien midis binjakëve Lannister, Jaime dhe Cersei, e cila ishte një ndër temat kryesore të Game of Thrones.