League of Legends do të sjellë serinë e parë të saj të animuar si një serial në Netflix. Seriali në fjalë supozohet që të vijë në platformën streaming së shpejti.
Seriali i animuar i League of Legends do të quhet Arcane dhe nëpërmjet trailer që ka sjellë ka zbuluar disa prej detaje të historisë. Trailer nis shumë bukur me një përballje midis Vi dhe Jinx të cilat janë karaktere tepër të njohura në universin e League of Legends.
Përveç tyre në trailer mund të shohim gjithashtu edhe dy karaktere të cilët nuk i kemi parë më përpara ku njëri prej tyre mund të lëvizë nëpër mure kurse tjetri me fuqi “lightning” dhe mban në dorë një “staff”.
League of Legends Arcane do të prodhohet nga Riot Games në bashkëpunim me Fortiche Productions me të cilin kanë punuar në krijimin e videove muzikore ose videove kinematike. Arcane është planifikuar që të vijë gjatë vjeshtës së këtij viti.