Historia e Legend of Zelda është një nga më të bukurat që bota e gaming ofron dhe besojmë se adaptimi i saj në një TV Show do ishte e mrekullueshme. Së fundmi, dikush ka zbuluar se një seri e Legend of Zelda po prodhohej nga Netflix por e cila u anullua më pas nga Nintendo.
Kjo është zbuluar nga Adam Conover i cili është një TV host dhe komedian. Adam e ka zbuluar ketë gjë gjatë një interviste me The Serf Time. Ai tregon se gjatë vitit 2014 një TV Show live action i Legend of Zelda ishte duke u prodhuar nga Netflix.
Gjithashtu ai shton se fatkeqësisht shumë leaks rreth kësaj serie filluan të qarkullonin dhe kjo bëri që Nintendo “të nxehej” dhe ta anullonte ketë projekt. Por kjo gjë ka ndodhur në vitin 2014 dhe duke parë Netflix i cili ka nxjerrë së fundmi një mal me seriale live action po ashtu edhe të animuara të cilat kanë pasur goxha sukses, besojmë se Nintendo ka për konsideruar sjelljen e një adaptimi të Legend of Zelda.
Viti 2021 është gjithashtu edhe një vit tepër i rëndësishëm për ketë seri pasi ketë vit mbush 35 vite nga data e lançimit të lojës së parë. Kjo gjë na bën që të mendojmë se një TV Show për Legend of Zelda do të vijë së shpejti. Por gjithashtu ketë vit ka mundësi që të vijë edhe një sequel i Breath of the Wild të cilin fansat mezi po e presin.