Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Këto janë disa prej lojërave horror më të mira, por të cilat janë harruar ndër vite
Kjo gjeneratë e gaming nuk e ka rrahur shumë zhanrin horror. Në fakt, shumica e lojërave më të mira horror kanë ardhur nga zhvilluesit indie, pavarësisht konsolës PS4, Xbox One ose PC. Megjithatë, nuk është se nuk ka patur lojëra të mira AAA horror në këtë gjeneratë. Në fakt, këtë vit morrëm remake-un fantastik të Resident Evil 2. Gjithsesi, nuk mund të mos e pranojmë faktin se horrori si zhanër nuk është ai që ishte më parë. Shumë histori të mira horror u krijuan në gjeneratën e kaluar, por nuk mbijetuan për të ardhur në këtë gjeneratë.
Shpresojmë që kjo gjë të ndryshojë me ardhjen e PS5 dhe Xbox Series X. Nëse Resident Evil 2 na ka treguar diçka, është se lojtarët janë ende të etur për më shumë lojëra të mira AAA horror. Duke e ditur këtë gjë, ja ku keni 5 lojëra të cilat shrpesojmë të rikthehen sërish me ardhjen e PS5 dhe Xbox Series X:
Dead Space
Kur Dead Space erdhi në 2008, u quajt menjëherë një prej lojërave më të mira survival-horror ndonjëherë dhe madje për disa ishte dhe loja fantastiko-shkencore horror më e mirë. Madje, jo vetëm që Dead Space është një prej lojërave më të vlerësuara të zhanrit horror, por edhe një prej lojërave më të mira nga çdo zhanër. Megjithatë, që prej 2013 nuk kemi parë asgjë për këtë lojë, prandaj EA, në qoftë se po na dëgjon, vure dorën në zemër dhe publikoje një lojë të re.
Left 4 Dead
Nuk është meme, Valve vërtet nuk di të numërojë deri në 3. Ky është i vetmi shpjegim i llogjikshëm se pse Left 4 Dead 3 ende nuk ka ardhur. Left 4 Dead dhe Left 4 Dead 2 shitën shumë mirë dhe morrën vlerësime të mira nga kritikët dhe lojtarët janë ende të etur për më shumë. Në një kohë kur lojërat shihen si shërbim, është çudi që Left 4 Dead 3 nuk ka ardhur akoma. Por të paktën duket sikur do marrim Left 4 Dead VR…
Dino Crisis
Nga të gjitha lojërat në listë, Dino Crisis është ajo që ka më shumë mundësi të rikthehet në stilin e saj klasik. Jo vetëm sepse Capcom flitet që do të bëjë remake lojën e parë Dino Crisis, por edhe për faktin se Capcom ka eksperiencë me remakes. Imagjinoni Dino Crisis të bërë remake me stilin e Resident Evil 2.
Eternal Darkness
Nintendo është e njohur për seritë e saj për fëmijë, por dikur ata lançuan një lojë të errët horror psikologjik në Nintendo GameCube. E vlerësuar shumë nga kritikët, Eternal Darkness fatkeqësisht nuk shiti shumë kopje, gjë e cila padyshim ka shtyrë Nintendo të mos krijojë një lojë të re në këtë seri dhe të shkrijë zhvilluesin e saj, Silicon Knights. Shanset që ajo të rikthehet janë shumë të pakëta, por padyshim do të ishte interesante që Nintendo të eksploronte sërish zhanrin horror.
Silent Hill
E të mendosh që Konami anulloi një prej serive horror më të mira ndonjëherë… Hideo Kojima, Guillermo del Toro dhe Norman Reedus, të gjithë në të njëjtin projekt. Çfarë tjetër mund të kërkosh? Oh, një teaser super viral (P.T.) që shumë njerëz e konsiderojnë eksperiencën më të mirë horror ndonjëherë? Jo, më mirë lere fare. Pse ta publikojmë një lojë të tillë. Si vëmë aspak faj Konamit. Fare. Nuk do e mbajmë aspak inat përjetë që nuk e publikoi lojën Silent Hill të Kojima.
