Senna, gruaja e Lucian, pritet të vijë në League of Legends

Trailer-i i fundit thuajse konfirmon gjithçka

Champion Roadmap në League of Legends pritet të update-ohet së shpejti, por deri sa gjithçka të bëhet zyrtare, pritet që Senna të jetë kampioni i rradhës që do të vijë në Summoner’s Rift.

Në fundjavë, Riot Games zbuloi një trailer të ri që tregon Lucian ndërkohë që ai ndjek Thresh përmes Shadow Isles. Thresh, sipas historisë së League of Legends, është ai që morri shpirtin e Senna dhe e futi atë në kurth brenda fenerit të tij. Që prej asaj kohe, Lucian është përpjekur të shpëtojë gruan e tij. Ai duket se më në fund do të arrijë fundin e udhëtimit të tij, duke hedhur shenja se një betejë midis Thresh dhe Lucian më në fund do të çlirojë Senna nga burgu i përjetshëm

Ka pasur dhe shenja dhe leaks të tjerë se Senna do të jetë kampioni i ardhshëm i League of Legends. Fillimisht, kampioni i ardhshëm do të jetë femër dhe Lucian ka pasur një ndryshim të historisë së tij, ku Shadow Isles është destinacioni i fundit i udhëtimit të tij për të shpëtuar gruan. Gjithashtu faqja e League of Legends në Facebook shpërndau një meme që tashmë është fshirë rreth Lucian dhe Senna. Për më tepër, një update në serverat kinezë përmendte Senna brenda lojës.

Riot Games po planifikon të zbulojë Champion Roadmap-in e ri këtë javë. Zhvilluesit e League of Legends supozohet të zbulojnë tre kampionë, nga të cilët Senna duket e para. Volibear dhe Fiddlesticks gjithashtu do të bëhen rework, për të cilët Riot gjithashtu do të zbulojë më shumë detaje.

Riot Games do të dëshironte që një kampion i ri të ishte në qëndër të vëmendjes në këtë moment, duke marrë parasysh polemikat për shkak të censurimit të Hong Kong gjatë livestream-it të League of Legends World Championship 2019.