Sezoni i ri sjell një trailer të ri, operator të rinj dhe shumë vendodhje në Warzone
Sezoni i ri sjell një trailer të ri, operator të rinj dhe shumë vendodhje në Warzone
Activision dhe Infinity Ward konfirmuan sezonin e gjashtë nëpërmjet një trailer-i duke na dhënë detaje mbi dy operatorët Farah dhe Nikolai dhe gjithashtu mbi gjërat e reja të cilat do të vijnë javës tjetër, më datë 29 shtator. Në trailer mund të shikoni operatorët e rinj dhe disa nga vendodhjet e reja në hartën e Warzone.
Fundi i trailer-it na tregoi dy operatorët të cilët përdornin subway për të udhëtuar nëpër vende të ndryshme të hartës. Ndryshime të mëdha do të vijnë në hartat e Warzone duke shtuar tunele nëntokë. Këto tunele do të sjellin një ndryshim të ri në hartë dhe me shumë mundësi do të na sjellin shumë gameplay fantastik.
Farah do të mund të luhet direkt pas blerjes së battle pass të sezonit të ri kurse Nikolai do të mund të luhet pas tier 100. Si gjithmonë ju mund të plotësoni misione të ndryshme për çdo operator për të marrë skins për të dy operatorët bashkë me shumë shpërblime të tjera. Battle pass ofron gjithashtu edhe shansin për të marrë 1300 pikë COD në mënyrë që të mundësinë për të përfituar gjatë lançimit të Call of Duty: Cold War.