Sezoni i gjashtë i Apex Legends ka filluar. Lojtarët më në fund mund të takojnë Ramya Parekh, e njohur ndryshe si Rampart. Sezoni i ri gjithashtu do të sjellë një sërë ndryshimesh të gameplay-it, përfshirë këtu Volt SMG e re, ndryshime në World’s Edge, sistemi i crafting dhe një armor e përmirësuar.
PERSONAZHI I RI: RAMPART
Rampart vjen në Apex Legends me ndihmën e mikeshës së saj mekanike, armën vdekjeprurëse Sheila. Legjenda është një eksperte në fortifikimin e pozicioneve dhe mund të hedhë poshtë mure me plumbat që vërshon.
Rampart mund të krijojë një fortesë me kit-in e saj dhe me ndihmën e Sheila. Dyshja është tepër vdekjeprurëse kur bashkohet edhe me legjendat defensive si: Wattson ose Caustic. Gjithsesi, kjo nuk do të thotë që ajo është e pandalshme. Disa granata të mirëvendosura mund ta shfarosin atë për ju.
STOP THIS TRAIN
Sezonet e reja zakonisht sjellin edhe ndryshime të hartës dhe Boosted nuk bën përjashtim. World’s Edge ka kaluar një rikonstruktim për të hapur më shumë opsione të rotation. Tre POI të reja: Launch Site, Countdown dhe Staging, ja dalin të vijnë në Talos arena.
Për të krijuar më shumë opsione të rotation, Respawn ju desh që të hiqte qafe trenin. Sipas dizajnerit të lojës, Carlos Pineda, nëse do e mbanin atë do të kishte shumë hapësirë të pashfrytëzueshme.
CRAFTING
Jo të gjithë lojtarët janë fansa të të zhyturit direkt në aksion. Sezoni i gjashtë është duke sjellë një mënyrë të re për të balancuar fushën e lojës mes lojtarëve agresivë. Sistemi i ri crafting i lejon personazhet të zgjerojnë materialet e gjetura në ndeshje për të bërë build items ose për të bërë upgrade shields.