Fortnite ka qenë në fazë purgatori që kur Chapter 2 filloi, me sezone shumë të gjata, thatësi të content-it dhe shumë nga content creators që kishte, u larguan për lojëra të tjera si Warzone dhe Among Us. Por nëse leaks janë të vërteta dhe përsëritet një event i ngjashëm me Black Hole, çdo gjë mund të ndryshojë. Këto janë disa nga mundësitë e ndryshme që kjo gjë sjell:
NDRYSHIME TË HARTËS
Diçka që me bindje mund të themi se nevojitet, janë ndryshimet e hartës. Harta e Chapter 2 është ndryshuar disa herë, me POI të reja që janë futur në lojë, por nëse e krahasojmë me ndryshimet drastike që bëheshin në Chapter 1, ato nuk bien edhe aq në sy.
Le të kujtojmë Season 7 ose Season 8 kur harta ngriu dhe më vonë shtoi një vullkan. Një event i Black Hole ofron mundësinë e të rikthyerit në ato kohë të lavdishme.
ARMË DHE ITEMS TË REJA
Tendenca e armëve të reja që ndryshojnë komplet mënyrën e lojës është zhdukur. Dikur çdo ndryshim sillte një debat dhe lëvizje në komunitet. Së fundmi, loja e ka humbur elementin e befasisë, por gjërat nuk kanë pse të jenë kështu.
Nuk ka asgjë që po e pengon Epic të sjellë diçka të çmendur sërish. Nëse njerëzit e pëlqejnë ose jo mbetet për t’u parë , por të paktën do të ketë diçka interesante për të diskutuar. Nga një javë te tjera na duket sikur po luajmë të njejtën lojë. Meta ka nevojë për ndryshim.
TË LIHEN PAS SUPERHERONJTË NJË HERË E MIRË NË SEASON 5
E fundit në këtë listë është fiksimi i keq i Epic me superheronjtë. Loja kalon nga një crossover te tjetri, duke prezantuar lloj lloj personazhesh. Në një pikë bëhet e qartë që e gjitha është një lëvizje marketingu, pak e tepruar nëse na pyet ne.
Sigurisht që është interesante të mund të luash si Aquaman ose një nga Avengers, por a e ka bërë kjo realisht lojën më të mirë për ta luajtur?
Eventi i Galactus e ka rradhën për të ardhur në Fortnite. Ka kohë që pak a shumë e dimë se çfarë do të ndodhë aty dhe po, ka mjaftueshëm hype për të, por prapëprapë elementi i të parashikueshmes nuk ka humbur.