Suksesi i Sea of Thieves vazhdon
Suksesi i Sea of Thieves vazhdon
Gjatë E3 2019, producenti ekzekutiv Joe Neate zbuloi numrin e ri të lojtarëve të Sea of Thieves. Loja ka mbi 8.4 milionë lojtarë tanimë dhe 2 milionë prej tyre e provuan lojën për herë të parë pas Anniversary Update në 30 prill.
Neate tha se muaji i kaluar ka qënë i treti më i mirë ndonjëherë për lojën, menjëherë pas 2 muajve të parë pas lançimit. Për të festuar këtë arritje, nëse futeni këtë javë mund të merrni set-in Spartan Ship së bashku me Master Chief falas.
Arritja e fundit e publikuar ka qënë 5 milionë lojtarë në korrik të 2018. Pra, që prej asaj periudhe e deri në 30 prill të këtij viti loja ka marrë rreth 1 milion lojtarë, përfshirë këtu rritjen që ajo pati nga Summit1g.
Sea of Thieves ka kaluar çdo pritshmëri. Joe Neate tha gjatë E3 2018 se ata kishin kaluar çdo pritshmëri dhe vetëm ditën e parë kishin arritur shifra që nuk prisnin t’i arrinin deri në qershor. Neate thotë se suksesi ka ardhur falë Game Pass në Xbox, por gjithashtu dhe prej streamer-ave dhe YouTuber-ave.