Sea of Thieves arrin një databazë prej 10 milion lojtarësh

Shumë prej jush parapëlqejnë lojërat me piratë atëherë

Nuk pati një fillim të shkëlqyeshëm, por Sea of ​​Thieves, ka tunduar më shumë se 10 milion lojtarë për të eksploruar oqeanin e infektuar nga piratët dhe skeletët që kur u lançua.

Producenti ekzekutiv, Joe Neate ndau arritjen e madhe këtë javë, duke shtuar se e gjitha kjo ndodhi falë komunitetit të piratëve që kanë çuar në suksesin e lojës.

“Për të gjithë në Rare, komuniteti i Sea of ​​Thieves përfaqëson më të mirën e asaj që mund të përfaqësojnë videolojërat. Është shtëpia e lojtarëve nga më shumë se 80 vende të ndryshme, duke bashkuar lojtarë në Xbox Game Pass, Xbox One dhe Windows 10 PC dhe duke krijuar histori të panumërta dhe momente që njerëzit mund të thesojnë. Të shohësh këto histori të shpërndara përmes mediave sociale ose platformave të tjera të komunitetit është diçka që frymëzon ekipin tonë çdo ditë. Për secilin person që ka luajtur Sea of ​​Thieves, faleminderit. ”

Në këtë rast, është më shumë se një ligjëratë. Sea of ​​Thieves në fillim pati reagime të përziera falë botës së saj mahnitëse, por aktiviteteve jo-interesante, por njerëzit qëndruan me të, formuan ekuipazhe dhe arritën të argëtoheshin. Për meritën e Rare, ata kanë punuar shumë për ta bërë lojën premtuese të arrijë prishtmëritë e vendosura dhe me kalimin e kohës piratët që qëndruan me të, u shpërblyen me një MMO shumë më të mirë.

Që kur u lançua në Mars, Rare ka prezantuar një grumbull sfidash të reja dhe aktivitetesh detare, një ‘history campaign’, evente të ndryshme, ‘crossplay’ dhe më shumë kozmetika për personalizim sesa mund të shpresonit. Shumica e shtesave të reja kanë qenë plotësisht falas, me përjashtim të kafshëve shtëpiake, të cilat kanë provuar të jenë më shumë sesa ia vlen barra qeranë.

Rare po vazhdon ‘update’-et falas këtë muaj, duke festuar piratët legjendar dhe duke i futur lojtarët të shkojnë për gjueti për ‘easter eggs’. Gjeni sekrete dhe do të shpërbleheni me vlerësime të reja dhe, më e rëndësishmja, tatuazhe të reja.

Vlen të përmendet se shifra mbresëlënëse prej 10 milion nuk është e barabartë me 10 milion lojtarë aktivë dhe përfshin njerëz që luajtën duke përdorur Xbox Game Pass. Ende janë shumë piratë, megjithëse shpresojmë që të rrinë sa më shumë për të siguruar më shumë vite plaçkitje dhe kaos.