Nintendo ka publikuar disa lojëra të mrekullueshme brenda muajve të parë të Switch-it. Gjithashtu, nuk do të ketë kurrë një listë lojërash aq të gjerë sa ajo e PS4 ose Xbox One. Kjo është një nga arsyet pse interneti është çmendur pas aplikacionit Rainway, që krijuesit thonë se do t’i lejojë lojtarët të shfrytëzojnë fuqinë e kompjuterëve të tyre për të luajtur lojërat e kompjuterit të tyre në çdo lloj pajisje – duke përfshirë dhe Switch-in.
Programi u njoftua fillimisht në muajin Mars, kur zhvilluesi Andrew Sampson shpjegoi se pothuajse çdo lojë e kompjuterit do të jetë e përshtatshme për t’u luajtur në disa pajisje të tjera duke përdorur protokollin Rainway MSG për sa kohë që kompjuteri që ndikon në lojë është i pajisur me një GPU që përballon DirectX 11.
Rainway do të jetë funksional në disa tipe kompjuterash, si dhe telefona ose tableta. Gjatë fundjavës, zhvilluesi konfirmoi gjithashtu në Reddit, se një aplikacion i Rainway-it është duke u zhvilluar për Xbox One dhe Nintendo Switch. Kur e pyetën nëse Nintendo ishte dakord me idenë apo nëse do të ishte e nevojshme një zgjidhje alternative, zhvilluesi pretendoi se aplikacioni do të jetë në eShop.
Shumë njerëz janë skeptikë me idenë që Nintendo do të lejojë një aplikacion për stream-in e lojërave kompjuterike në eShop-in e saj. Ne nuk presim shumë prej Rainway-it në Switch, por nëse Sampson mund ta bëjë këtë ëndërr realitet, ai mund të ndryshojë standardin e gjeneratës së lojërave për konsolë. Një Beta është planifikuar të fillojë muajin e ardhshëm, kështu që ne do të vëzhgojmë çdo zhvillim të mëtejshëm.