Ai është një nga futbollistët më ikonikë dhe të njohur që kanë jetuar ndonjëherë dhe tani, legjenda e futbollit Ronaldinho dëshiron të bëjë hyrjen e tij në skenën e esports.
Ish ikona braziliane është bërë ambasador i brandit për SCUF Gaming, një kompani që prodhon controllera, dhe ka shprehur aspiratat e tij për të krijuar një skuadër të suksesshme të esports. Ai është momentalisht në proçesin e të përzgjedhurit të disa nga talenteve që spikasin në esport-in Brazilian për të krijuar brandin e tij të esports.
Ky brand do të quhet ‘R10’. SCUF do ta mbështesë akudrën e Ronaldinho, duke i mundësuar atyre controllera për të konkuruar.
Sado që ende nuk është konfirmuar se për cilat lojëra të esports po bëhen rekrutimet në R10, është paksa e dukshme që do të jetë ose në FIFA ose në PES ose pse jo në të dyja. Ronaldinho ka eksperienca të mëparëshme në skenën e esportit të PES, duke strukturuar eLiga Sul, një kompeticion global të PES.