Midwinter Entertainment mori skenën gjatë The Game Awards për të prezantuar një lojë që vërtet nuk po e priste njeri. Në trailerin e saj mund të shohim se loja është e vendosur në një narrative të llojit “ha ose të hëngrën”.
Sipas studios: “Në një të ardhme jo shumë të largët, një event kataklizmik solli një epokë të re akullnajash, duke ngrirë çdo zonë që ju do të eksploroni. Shansi më i mirë për të kapërcyer sfidat e kësaj bote post-apokaliptike është bashkëpunimi. Në përballje me kushte ekstreme të motit, resurse të limituara, kundërshtarë dhe banorë armiqsorë ju do duhet të siguroni të ardhmen e rracës njerëzore.”
Scavengers është një lojë e llojit survival shooter nga Midwinter Entertainment. Kjo e fundit është një studio e pavarur zhvillimi e sponsorizuar nga veteranë të industrisë së gaming, me qëllim krijimin e eksperiencave përparimtare që kërkojnë bashëpunim dhe punë në skuadër.
Fatkeqësisht ende nuk kemi një datë lançimi fikse, por dimë që është e programuar për në 2019. Shikoni website-in zyrtar të saj në këtë link.