Sasmung Electronics lançoi versionin beta të Samsung Internet 15.0, i cili prezanton veçori të reja, të dizajnuara për ta bërë jetën e përdoruesve më të lehtë dhe për të mbrojtur më tej informacionin e përdoruesit me veçori të përmirësuara të privatësisë.
“Samsung punon pa u lodhur për të ofruar përvojën më të mirë të telefonave celular ndërsa ofron mënyra për t’ju ndihmuar të mbani privat informacionin tuaj personal me karakteristika të përparuara të privatësisë,” tha Du Kim, VP dhe Shef i Grupit Web R&D në Samsung Electronics. “Samsung Internet 15.0 beta ofron më të mirën nga të dy botët, me mjete të thjeshta që i ndihmojnë përdoruesit të shfletojnë më shpejt duke ruajtur kontrollin mbi të dhënat e tyre personale.”
Samsung Internet 15.0 beta mbron përdoruesit nga gjurmët e gishtërinjve – një teknikë që ndjek përdorimin e rrjetit për të ndërlidhur informacionin në lidhje me përdoruesit. Tani, falë teknologjisë së përmirësuar anti-gjurmuese, Samsung Internet 15.0 beta ndihmon që informacioni i përdoruesit të mbetet privat.
Samsung Internet 15.0 beta lejon përdoruesit të fshijnë të dhënat e ruajtura në pajisjet e tyre dhe siguron një pasqyrë më të madhe të asaj që do të fshihet. Më tej, sapo përdoruesi të aktivizojë Secret Mode, shfletuesi mbetet në Secret Mode, duke eleminuar hapat shtesë për ta aktivizuar atë çdo herë.
Samsung Internet 15.0 beta e bën më të lehtë se kurrë kërkimin e informacionit nga home screen. Është e shpejtë dhe e lehtë. Gjithçka çfarë duhet të bëni është të shkruani ose të përdorin zërin tuaj për të kërkuar në internet.
Për ta bërë përvojën e shfletimit edhe më pak problematike, Samsung Internet 15.0 beta ruan përkohësisht faqet e mëparshme të internetit në mënyrë që përdoruesit të mund t’i hapin ato përsëri pa u dashur të bëjnë reload, duke ulur përdorimin e të dhënave ndërsa përdoruesit lëvizin ndërmjet faqeve.
Pas periudhës së testimit beta, Samsung Internet 15.0 do të nisë zyrtarisht në fund të verës. Nëse jeni tashmë përdorues i Samsung Internet, do të merrni një njoftim kur versioni i ri të bëhet i disponueshëm.