Në Eventin ‘Galaxy Unpacked for Every Fan’ më 23 Shtator, Samsung prezantoi pajisjen e tij të fundit Galaxy: Galaxy S20 FE, i projektuar për të sjellë përvojën premium të Galaxy S20 tek më shumë njerëz. Me tiparet më të dashura të fansave Galaxy, Galaxy S20 FE ofron një dizajn argëtues dhe shumëngjyrësh me një çmim të arritshëm. Nga 23 shtatori, ky smartphone tërheqës do të jetë në dispozicion për të gjithë fansat Galaxy në tregun shqiptar.
Për më shumë se një dekadë, seria Galaxy S ka vendosur vazhdimisht standarde të reja për inovacionin në smartphone, duke sjellë përvoja që sfidojnë pritshmëritë. I lançuar në fillim të këtij viti, Galaxy S20 edhe një herë i kaloi kufijtë e teknologjisë celulare, duke i fuqizuar përdoruesit të ndajnë historitë e tyre dhe të shprehen si kurrë më parë.
I angazhuar për të sjellë përvoja inovative në më shumë përdorues, Samsung ka dëgjuar reagimet e konsumatorëve për tiparet e tyre të preferuara të serisë Galaxy S20 dhe ka zhvilluar një pajisje që është ndërtuar për adhuruesit e Galaxy – Galaxy S20 FE. Mundësuar nga një chipset i avancuar, pajisja përmban një ekran super të lëmuar, një sistem kamerash me fuqi AI dhe një lidhje tepër të shpejtë. Pajisur me një bateri që zgjat gjithë ditën dhe hapësirë ruajtëse të zgjerueshme dhe një dizajn premium, Galaxy S20 FE është i mbushur me karakteristikat më të pëlqyera nga adhuruesit e Galaxy.
Shprehuni me Galaxy S20 FE
Galaxy S20 FE sjell një sistem kamerash profesional dhe kamerën selfie 32MP me teknologjinë tetra-binning që ju lejon të realizoni foto dhe të shprehni vetveten. Me këtë smartphone të përballueshëm, fotot bëhen më të gjalla dhe më të pasura, falë veçorive të avancuara. Përpunimi multi-frame në modalitetin e natës me integrimin e kornizës AI stabilizon lëvizjen në kamera teksa regjistroni, që të mund të përqendroheni tek argëtimi.
Për më tepër, Space Zoom 30X i fuqishëm i Galaxy S20 FE ju lejon t’i afroheni aksionit për të shkrepur fotografi fantastike. Samsung e di se editimi dhe ndarja e fotove dhe videove është prioritet për fansat e Galaxy, kështu që Galaxy S20 FE e bën të lehtë kurimin e fotove dhe videove në kohë reale si një profesionist, që të mund t’i ndani me miqtë kudo.
Galaxy S20 FE vjen me një përzgjedhje prej gjashtë ngjyrash të gjalla që i përshtaten çdo stili dhe personaliteti me elemente dizajni të huazuara nga familja elegante Galaxy S20. Ngjyrat përfshijnë të Kuqe pastel, Portokalli Paster, të Purpurt pastel, Mente pastel, Blu marinë pastel dhe të Bardhë pastel. Ai gjithashtu përmban një efekt premium me teksturë të mjegulluar që minimizon gjurmët e gishtave dhe njollat.
Përvoja e plotë Galaxy
Samsung pajisi Galaxy S20 FE me një procesor të përparuar për të mundësuar një përvojë të përsosur, siç vetëm Galaxy ofron. Galaxy S20 FE është pajisja perfekte për navigim të lëmuar ose shikimin e një videoje, falë ekranit të saj 6.5-inç Infinity-O Super AMOLED me një refresh rate prej 120Hz.
Matur në mënyrë diagonale, madhësia e ekranit është 6.5 “në drejtkëndëshin e plotë dhe 6.4” duke llogaritur qoshet e rrumbullakosura. Zona aktuale e shikueshme është më pak për shkak të këndeve të rrumbullakosura dhe lenteve të kamerës.