Samsung Galaxy S11 do të sjellë një kamer që ja kalon Note 10

Sipas këtij leaku një teknologji e re kamere do të vijë në telefonat e ardhshëm të Samsung.

Galaxy Note 10 dhe Galaxy Note 10+ i Samsung filloi të shfaqet në raftet e çdo dyqani në mbarë botën nga java e kaluar, por informacionet e para mbi atë që do të vijë nga kompania në gjeneratën e ardhshme të telefonave kanë filluar të qarkullojnë online.

Ice Universe, një leaker që nuk ka qenë kurrë gabim kur ka ardhur puna për hardware-et e Samsung, ka ndarë informacionet e para mbi pasardhësin e Samsung Galaxy S10. Nëse kompania do të vazhdojë të mbajë ritmin e zakonshëm të lançimeve, teleofoni do të dalë në 2020n dhe do të quhet me shumë mundësi Galaxy S11 dhe Galaxy S11 Plus.

Sipas Ice Universe “kamera e S11 do të sjellë diçka që nuk është parë kurrë më parë. Për fansat e Samsung që janë të interesuar pas kamerës, bëjini skip Note10.”

Një deklaratë mjaft e fortë kjo. Fundja seritë e Galaxy S11 janë rreth gjashtë muaj larg, ndaj ndoshta nuk duhet marrë ende si fakt i kryer.

Po ta mendosh më thellë pastaj, seritë e Galaxy Note 10 përdorin thuajse të njejtën teknologji si ajo që kishte Galaxy S10 këtë vit, ndaj gjasat janë që Samsung do i ndryshojë gjërat në mënyrë dramatike vitin e ardhshëm. Përsa i përket tipareve që “si kemi parë kurrë”, është ende herët për të folur.

Sado që seritë Galaxy S dhe Galaxy Note sjellin një hardware mjaft mbreslënës përsa i përket kamerës, padyshim që ka vend për pëmirësim. Fundja asnjë nga këto smartphone nuk mund të arrijë nivelin e Al-enhanced zoom që gjendet në Huawei P30 dhe Huawei P30 Pro.

Samsung gjithsesi mbetet e vetmja kompani që ka sjellë Portrait Mode në video. Gjasat janë që në telefonat e ardhshëm kjo veçori do të zgjerohet edhe më shumë.